bhulake har ek ghum...

teri aankho me yeh jo nami he, kaash isko mita sakte hum
tere chehre pe sada k liye, kaash muskaan la sakte hum
is dil ko kaise manaye, toot raha he har pal humdum
pyaar to fir bhi karta he tumse, bhulake har ek ghum

tere zulfon ki chhaav ka sukh, kaash paa lete hum

teri jhooti hasi ke peeche ka dookh, jaan lete he hum

is dard ko kaise bhagaye, beh raha he ashq bankar humdum

haath thaamke bas chalna he sang tere, bhulake har ek ghum

teri dil ke darwaze ka rukh, kaash mod lete hum

teri naram baahon ke samandar me, kaash doob jaate hum

is pyaar ke khatir, khud ko mitate he har pal humdum

hothon ki nami ko mehsus kar lu tere, bhulake har ek ghum

teri mulakat ke intezaar me jo maza he, kaash samjha sakte hum

tere pyaar ki intehaan ki jo saza he, kaas mita sakte hum

is dil ki mehfil me koi aur nahi, bas tum ho har pal humdum

zubaan se dil ka haal sun le mere, bhulake har ek ghum

teri parchayee se bhi pyaar karte he, kaash bata sakte hum
teri har ek ada pe fida he bepanaah, kaash jata sakte hum
is sookhi si zindagi me khushiyon ki baarish laati ho harpal humdum
dil khol ke rakh de sanam tere liye, bhulake har ek ghum

tere dil ki dhadkan me hum, hamari har ek saans me ho tum

tere har ek khwaab me hum, hamare har ek ehsaas me ho tum

is haseen pal me, har lamhe ki yaad ho tum, harpal humdum

sirf adat nahi, zindagi ho meri...jeene k liye, bhulake har ek ghum