Dil Dhoondta Reh Gaya...

unhone undekha karke rasta badal diya
dil churakar dhadkan ka qatal kar diya
hum tanhayion me dhoondte rahe sahara
aur unhone khudko ko gairo ke hawale kar diya

unke aasuno ko pike, saara dard unka humne le liya

fir bhi tassali na hui, thoda aur dard hume de diya

unko baaho me leke, saara ghum unka humne bhulwaya

fir kyoun chhod diya hume besahara, dil ko aise dukhwaya

itna pyaar kiya unse humne ki

ishq ki aag me khud ko humne jala dala

saath diya har pal unka humne ki

unke liye, apno ko bhi humne bhula dala

takdeer ne daga diya, har baar is tarah

haatho ki lakeer, bikhri si padi he har jagah

khud se khafa rahu, ya rahu unse naraaz

pyaar me unke dil, aisi kaunsi khata kar gaya

mera khuda bhi itna naaraaz he mujhse
ghum ki siyahi se mera nasib likhta reh gaya
unhone bhi dee mujhe aisi pyaar karne ki saza
aansuon me khudke me to doobta reh gaya

seene me dil to he lekin, dhadhkan he nahi

khoya khoya sa rehta hu har pal har jagah

saanse chal rahee he,  par zindagi he nahi

sochta rehta hu door jaane ki kya thi wajah

unhe paakar koi aur, kabhi bhi paa nahi sakega

dil me unke sada ke liye, sirf humara hi naam rahega

meri mohabbat ki takad ka andaza nahi he unko

dil tootkar phir bhi, unke diye hue, zakhmo ko sahega

jab bhi yaad ayenge hum, dil unka bhi royega

aansu peene wala aisa ashiq, phir kahan unhe milega

jab bhi mann unka yaado ke sagar me doobega

kaske baaho me bharne wala, phir kahan unhe milega

shikayat nahi unse, na he unse kuch bhi ruswayee
dosh to zindagi ka he, khushiyan jo meine payee
ghadi ke kaato ko me, dekhta reh gaya bebas hokar
door chalee gayee woh, palat kar fir nahi muskurayee

taare bhi ro padenge judai pare humare,

barsega tab khuda ki aankho se bhi paani

nachegi woh usme apne yaar ke sang jhoomke,

chaand reh jayega us din, bankar sirf ek kahani.

tadpegi woh bhi gumsum si raato me

yaad jab bhi humari aayegi unko

tab bhi dua maangega dil unke liye

khushiyaan humari mil jaye sari unko

kuch adhura sa lagta he, kuch to chhoot raha ho jaise

unke na hone ka dard kitna he, unko samjhau to bhi kaise

ghum ka saya darata he har baar, har jagah mujhe

andhere se mehfus dil, ro raha he futkar kahi jaise

ab kaunsi raah pe chalega toota dil mera
gumraah jab usko, manzil ne khud kar diya
jahan hoga sannata aur tanhayee ka basera
apne aap ko wahan, dil dhoondta reh gaya...

dil dhoondta reh gaya ...