yaad bhi aati hogi ?

ek faasla he beech me, dooriyan he satati

mohabbat ki imtehaan, bechaini he jatati

tumhare pyaar me har pal, ban raha hu jogi

kya tumko kabhi humari, yaad bhi aati hogi

   ek junoon he dil me, mann me deewangi he chayee

zindagi humko firse, kis mod pe leke he aayee

mehfil me jab bhi honge, dhadkan tanhayee sahegi

kya tumko kabhi humari, yaad bhi aati hogi

jab bhi mile he aapse, tootkar seene se lagaya he

jo kabhi bhi khatm na ho, utna pyaar dikhaya he

dil me jo dard he humare, kya thoda tum bhi logi

kya tumko kabhi humari, yaad bhi aati hogi

 

jo waqt kabhi humara tha, churaya kisi aur ne

cheenkar yaar ko mere, dil dukhaya kisi aur ne

jab akele honge hum, tab aansu ki nadi bahegi

kya tumko kabhi humari, yaad bhi aati hogi

hum door he tumse, par fir bhi paas kyoun he
ajnabee banaane chale hume, par khaas kyoun he
khone se humko sada ke liye, kya tum bhi darogi
kya tumko kabhi humari, yaad bhi aati hogi

tu kisi aur ke saath he, yeh seh nahi sakta

bina dekhe tujhko ek din reh bhi nahi sakta

dil me humare, tasveer banke sirf tum hi rahogi

kya tumko kabhi humari, yaad bhi aati hogi

baaho me bharke tumhe, ek ehsaas alag jo ata he

bayan nahi kar pata use, par tera dil woh jaanta he

zindagi ki ghadi ruk jaye us lamhe me, kya tum ruk paogi

kya tumko kabhi humari, yaad bhi aati hogi

jab hoti ho tum haskar, gairo ki nigaho me

yaad karte he hum tumko apni hi baaho me

dil ki awaaz hamari, dhyan se kya tum sunogi

kya tumko kabhi humari, yaad bhi aati hogi

zindagi waqt me kaid he, beet hi jayegi
par guzre lamho ki yadein baar baar ayegi
humne di hui suchi khushi, kya tum kabhi paogi
kya tumko kabhi humari, yaad bhi aati hogi

hum baithe he yaha, apna dil ka haal sunate

yaad kitna karte he tumko, yeh likhte batate

kya thodi jagah dil me humare liye bhi rakhogi

kya tumko kabhi humari, yaad bhi aati hogi 

kya tumko kabhi humari, thodisi yaad bhi aati hogi.